Story of a GATE aspirant

Vo college ka aakhri saal,
Papa ne pucha beta kya h placement ka haal.
Bade garv se bola hum GATE ka form bharenge,
Sarkari naukri karenge.
Clg k baad boriya bistar uthaye,
Pahunch gaye hum kaalu sarai.
Phir aaya pehla din class ka,
Yun toh clg m hamesha10 min late hone ka record tha.
Par socha aaj 10 min jaldi jaata hun,
Lekin Bag uthaye centre pahucha toh kya paata hun.
Gate se leke 2 km lambi line lagi thi,
Kissi ki nazre kitabon m toh kissi ki test papers m gadi thi.
Maine Line k aakhri sadasya se pucha,
Bhai ye kya h.. teacher nahi aayega ya phir hai aur koi locha.
Apni kitabo se Nazre hatane m usse gussa toh bht ayaa,
Mere sawal se, race ka naya gadha hun ye bhi usse bakhubhi smjh ayaa.
1 ghante pehle se ye line ka karyakram roz aise hi chalun rahgea,
Tum bhi lag jaao warna last seat se toh bus board ki shyahi ka rang hi dikhega.
Sun k mera dimaag chakraya ,
Ye kaunsi nagri m mai hun ayaa.
Mai Bola bhai ye baat zara mujhe samjhaye,
Ye sab btech ki degree leke hi hai naa aaye.
Usne pyaar se btaya, jab inn galiyon m 3 saal bitayega,
Btech ki vo saari aish tu bhi bhul jaayega.
Uski baat sunke thoda dara aur uske peeche mai bhi laga,
Phir Badi dhaka muki k baad peeche se teesri seat p ek chota sa sthan jaake mila.
Uss din apni chaar aankho se badi mushkil se board par likhe hue aksharon ko padha,
Aur agle maine din 1 ghante pehle aana hi sahi smjha.
Vo 400 baccho ki class,
Aur har kissi ki top 100 m aane ki aas.
Phir pta pada aise 4 batches aur hai,
Aur aise coaching 3-4 aur hai.
Competition ka andaza aaya,
Pehle dara phir maa ki aankhon m dekha vo sapna yaad aaya.
Phir badi himmat se kaam liya,
Vo 4 saal ka course 6 months m kiya.
Vo ac room m baithne k sapno ko sajaye,
Lagatar 12 ghante coaching m classes kaise kari h mujhe hi pta hai.
Class, chai ki tapri aur room inhi m samay tha bitaya,
500 rs. Mai mahina tha chalaya.
8 month ki mehnat h soch k khoon paseena bahaya,
Tab jaake GATE m thode no. Laa paaya.
Rank dekh k maa ko toh bdi khushi thi,
Unke hissab se unke Bete k liye ab toh naukriyo ki jhadi lagi thi.
Unhe samjhata bhi toh kaise samjhata,
GATE k gate se nikalne k baad bhi kitne dhakke khane hote hai unhe kaise btataa.
Phir toh roz PSU ki site k chakkar the lagte,
Gmail ko takte jaate the din sote jagte.
Kahin se toh call aaye,
Selection ka baad m dekhenge koi interview k liye toh bulaye.
Kabhi sochta tha ki in sites ka kitna traffic hun mai bhadata,
Sabke profit ka thoda share mujhe bhi hai jaata.
Phir interview ka call aaye,
Maa k haath ka dahi shakkar kha k har 15 m delhi k chakkar the lagaye.
Ab result k intezaar ne tadpaya,
Kabhi sochta tha itna toh coaching ne bhi nahi tha rulaya.
Phir aakhir vo din aaya,
Jis mail ka 2 se saal the intezaar vo inbox m finally aya.
Oil marketing company m hua tha mera chyan,
Maa ki khushi aur papa ka garv dekh k bhar aaye the mere vo nayan.
Bus itni si thi ye kahani,
Gate aspirant ki zubani.